اضعف هالائي
اضعف هالائي
اضعف هالائي: شاعر ۽ نثر نويس جان محمد اضعف هالائي ولد عبدالرؤف ابڙي 14 آگسٽ 1897ع تي هالا ۾ جنم ورتو. هن مقامي سطح تي تعليم حاصل ڪئي. اسلامي تبليغ جي موضوع تي سندس لکيل مضمون مختلف اخبارن ۽ رسالن ۾ ڇپيل آهن. هيءُ اعليٰ درجي جو خط نويس ۽ شاعر هو. انشا پردازي ۽ شاعريءَ ۾ سندس استاد حڪيم فتح محمد سيوهاڻي ۽ محمد هاشم مخلص هئا. سندس ڪلام مذهبي موضوعن: نعت گوئي ۽ حمديه نظم تي مشتمل آهي. هيءُ خلافت تحريڪ ۾ به متحرڪ رهيو ۽ سندس شعله بيان تقريرن کيس مشھوري ڏني. انجمن مولود النبي هالا ۾ به الحاج پير سائل هالائي جي سنگت ۾ڇھه سال سرگرم رهيو. حضور ڪريم صلي الله عليه وآلھ وسلم جن جي سيرت تي لکيل سندس ڪتاب ’احوال محمدي‘ انجمن مولود النبي هالا پاران ڇپجي پڌرو ٿيو ۽ سندس مقالن جو مجموعو ’واٽون ويھه ٿيون‘ (1973ع) به ڇپيل آهي. هن 08 مارچ 1979ع تي وفات ڪئي.
لفظ اضعف هالائيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1897.08.14 عيسوي
شاعر ۽ نثر نويس جان محمد اضعف هالائي ولد عبدالرؤف ابڙي 14 آگسٽ 1897ع تي هالا ۾ جنم ورتو.
1979.03.08 عيسوي
اضعف هالائي 08 مارچ 1979ع تي وفات ڪئي.
شخصيتون - ڀاڱي جون ٻِيون داخلائون
امام علي مرزا ڊاڪٽرچنا شبيران
ڪشنداس چندرا آڏواڻي
سيد غلام حيدر شاهه 2
راءِ کنگهار
ترخان مرزا جاني بيگ
پيرزادو سائل
چوهاڻ ڀريو گاروڙي
آتم تلريجا
جنجهي مينهين ٻائي